Son slogan – En Nouvo Sesel – pa zis pour manm e siporter Parti Lepep. Prezidan Michel pe al rod ankor en manda senkan pour li kontinny en travay ki in komanse pour tou Seselwa. Konmdir sanson, nou lo menm bato.
Sa ki dir in mal pase e krwar ti rezon pour li zwenn lopozisyon, Prezidan Michel in dir ki in ler pour kit vye politik deryer e ranplas avek sa nouvo vizyon partaze ki sa nouvo Sesel pe targete. Sa vizyon pa pres sanzman me fer sanzman.
Manm e siporter Parti Lepep dan 25 enm Kongre Parti in pran en desizyon pour met li koman kandida prezidansyel akoz zot annan konfyans ki Prezidan Michel pour kontinyen donn Sesel sa ki meyer.
Dan son manifesto apele – En Plan pour Ou - Prezidan ek son vis prezidan Danny Faure pa pe kit okenn Seselwa deryer. Sa dokiman, ki kontyen nide ek refleksyon son bann siporter, i garanti plis lozman, lanplwa, loportinite biznes, meyer sistenm lasante, ledikasyon eksetera … pour tou Seselwa. Parey Prezidan Michel in dir, Parti pe servi bann prensip ki Per Fondater in kit dan Parti. Prensip ki dabor in permet SPUP met fondasyon ek sa batiman ki apel Sesel, SPPF in batir miray e Parti Lepep pe met kouvertir e pe fini sa ledifis – en ledifis ki tou Seselwa i annan en par ladan.
Prezidan Michel pe lans en lapel pour plis solidarite, plis linite e in dir avek pep Seselwa ki ansanm nou merit reste lo sa semen ki nou’n komanse, avek plis determinasyon pour realiz son vizyon pour Sesel.
Prezidan ti dir: “Pep Seselwa i anpe ek son lekor. Pep Seselwa i anpe ek lemonn. Mon mesaz alor se annou ansanm kree en nouvo Sesel.”
Source: The People
No comments:
Post a Comment