Premye zanfan madanm Simone Michel-Charles, ki aze 90 an, James Michel in erit en leker partaze, zis e onnet. I ankor en zanfan obeisan, prensip ki permet li kapab komande avek entegrite. I’n grandi lo bon valer e avek respe pour spirityalite, i pa zis Prezidan me osi zanmi tou Seselwa.
Lepep in met konfyans dan Michel, ki pa’n zanmen aret travay pour Sesel malgre in ler pour en prosen eleksyon. Prezidan, sa dimoun zenere e responsab in fini komans egzekit son plan pour Sesel, letan i pe demann son pep pour tyonbo lanmen, i pe fer le neseser pour donn sakenn son merit.
Son lanmour pour Sesel i sitan gran, tou Seselwa i form parti son rev - bann ki annan lentere biznes, ki dakor pour leve debrouye, ki pran son letid aker, ki met son fanmiy premye e ki krwar parey li dan fer lavi abordab e adorab pour tou Seselwa. Prezidan i krwar sa ki meyer i merit ganny partaze avek travayer Seselwa.
Prezidan i annan konfidans dan son lekor. I konnen ki pou fer pour fer son pep kontan. I konnen ki pou fer pour fer son pei progrese. I konnen i pa bezwen laglwar me en konsyans kler.
I pa’n fasil. I’n ganny pei o menm moman kot en kriz mondyal in pet son vilen latet e afekte nou pti Sesel. Prezidan in azir kouraze e baze lo prensip fondamantal son Parti, valer ki in grandi avek e son talan natirel, in sirmont lobstak e ganny loportinite pour komans donn Seselwa sa ki meyer. Prezidan in viz son fles e tap Sesel ek lagrenn sikse.
Premye tape lagrenn in fini bourzonnen e la i reste pour li fleri. Prezidan i bezwen senkan pour fer li. I napa led en zeni, i pe senpleman met tou son lenerzi - I krwar dan travay dir e malgre sa, i premye pour ekout Per-Fondater ki krwar ki pa reste bokou pour fer pour ariv kot nou’n destinen.
From: The People
No comments:
Post a Comment