Apre deklarasyon Vis Prezidan Danny Faure lannen pase ki Zil ‘Eden’ in fini kouver son fre ki ti kout 7 milyon dolar ameriken e 39 milyon dolar ti’n fini ganny rekolte, i ti aprezan tour Minis Dugasse pour enform Lasanble Nasyonal semenn pase ki sa lenvestisman pe anmenn ankor plis benefis.
Minis Dugasse ki responsab Minister Lamenazman Later ek Lakaz ti enformen ki sa i rezilta nouvo lagreman pour permet bann propriyeter lo sa zil lwe zot lapartman pandan zot labsans vi ki plan inisyal ‘Eden’ pour annan son prop lotel pa ankor materyalize. Sa zil in konplet lanmwatye son devlopman e bokou envestiser in fini etablir zot demer laba. Sa in kanaliz plizyer biznes ki Seselwa osi i zouir zot servis. An plis sa devlopman pe deza fourni lanplwa pour plis ki 600 Seselwa.
Atraver sa kontribisyon taks ki sa bann propriyeter i peye pour lwe zot villa, pei i rekolte en sonm konsiderab e pour sa lannen 13.3 milyon dolar in ganny prevwar. Lot faz devlopman Zil ‘Eden’ ki’n deza konmanse pou enkli ankor 240 apartman. Sa pou anmenn en benefis anviron 54 milyon dolar, ankor 600 lanplwa, 147 milyon atraver Lenvestisman Etranzer Direk (FDI) e ranforsi lekonomi par 2% dan son Prodiksyon Domestik Brit (GDP) dan sa prosen trwa-z-an. - Bann lenfrastriktir Zil Eden ki ofer diferan sours lanplwa.
I parfwa difisil pour mazinen ki sa menm konblaz ki atraver son devlopman pe ofer plizyer lanplwa nou bann zabitan, ki pe ofer plizyer sours divertisman, ki’n anmenn bokou lenvestisman, zis pour pa tro elabore, ti ganny rezete par lopozisyon. Menm ozordi zot pa ankor kapab apresye son vre valer. Ki lavenir sa bann dirizan ki napa ni en vizyon, ni lapresiasyon e ni menm limilite pour les tonbe zot lenbesilite? Antretan Zil ‘Eden’ i kontinyen friktifye
From: The People Online
No comments:
Post a Comment